Varme frå eit nytt flisbasert bioenergianlegg er no kopla til det oppgraderte fjernvarmenettet på festninga Fredriksvern Verft. 18. november 2014 vart hendinga markert med mellom anna Larvik-ordførar Rune Høiset til stades.
Miljøvennleg bioenergi vil gje ein årleg reduksjon på cirka 783 tonn CO2 i høve til bruken av olje- og elkjele som ein har i dag.
-Dette er ein gledeleg dag, og med dette nye anlegget tek vi som forvaltarar eit viktig samfunnsansvar. Vi har oppgradert og tilpassa det interne fjernvarmeanlegget for å kunne motta miljøvennleg fjernvar-me, seier festningsforvaltar Trond H. Bergan i Forsvarsbygg nasjonale festningsverk (NFV).
Tenkje globalt, handle lokalt
-Ordførar Rune Høiseth supplerer: Global oppvarming er ei følgje av menneskeskapte klimagassutslepp frå fossilt brensel som olje, kol og naturgass, og blir rekna for å vere den største miljøutfordringa verdssamfunnet står overfor. Det er difor flott å registrere at NFV tek eit lokalt ansvar og set i verk viktige tiltak for å redusere utsleppa.
Miljøvennleg
- Vatnet blir varma opp gjennom skogsflis som hovudbrenslekjelde i anlegget, og flisa blir henta frå lokale skogsområde i Vestfold, utdjupar Jan Topstad i Norsk Bioenergi AS.
- Forsvarsbyggs vedtekne klima- og energiplan tilseier utfasing av alle oljekjelar. For oss har det vore viktig med eit energianlegg, som i tillegg til å vere miljøvennleg, også passar inn i dei historiske omgjevnadene her, poengterer festningsforvaltar Trond H. Bergan, og siktar til plassering og ut-forming av energianlegget.
Norsk Bioenergi
Norsk Bioenergi AS har etablert energisentralen med tilhøyrande infrastruktur. Investeringa er i storleiken kr 9 mill. Forsvarsbygg har inngått ein 20- års avtale med Norsk Bioenergi om energileve-ransen. Norsk Bioenergi har ansvar for total drift og vedlikehald av anlegget.
Forsvarsbygg nasjonale festningsverk
NFV forvaltar 14 historiske festningsverk slik at dei framstår som attraktive arenaer for næringsverk-semd, kultur og opplevingar. Eit mål er å skape nytt liv på historisk grunn, og under mottoet ‘bruk er det beste vern’, blir anlegga tekne vare på slik at den kulturhistoriske kvaliteten blir sikra og synleggjort.
Foto: FB NFV
I rekkefølge fra venstre:
Jan Topstad (Norsk Bioenergi), Rune Høiseth (ordfører), Reidar Thoresen (driftsleder), Åsmund Stokkeland (prosjektleder), Trond H Bergan (festningsforvalter), Inger Anne Speilberg (rådmann)