Karrieremoglegheiter
Medarbeidarane våre er vår viktigaste ressurs, og vi legg til rette for utvikling gjennom heile karriereløpet. Enten du er nyutdanna eller erfaren, får du høve til å utvikle deg fagleg og ta nye steg i karrieren.
Hos oss får du utvikle deg gjennom ansvar, fagleg fordjuping og unike prosjekt.
Vi satsar på våre tilsette
Medarbeidarane våre er vår viktigaste ressurs, og vi legg til rette for utvikling gjennom heile karriereløpet. Enten du er nyutdanna eller erfaren, får du høve til å utvikle deg fagleg og ta nye steg i karrieren. Hos oss får du jobbe med store og krevjande prosjekt som stiller høge krav til sikkerheit, teknologi og gjennomføringsevne. Du får ansvar og tillit frå dag éin, og inngår i sterke fagmiljø med høgt tempo og stor betydning.
Som tilsett kan du søke stipend til etter- og vidareutdanning som gir studiepoeng. Du kan bygge vidare på eigen fagkompetanse, ta emne innan eigedom, økonomi og tekniske system, eller fordjupe deg i masterprogram. Tilbodet gjeld både fagskole-, høgskole- og universitetsnivå.
Vi tilbyr ein sertifisert modulbasert prosjektleiarutdanning utvikla i samarbeid med Metier OEC. Utdanninga kombinerer e-læring og samlingar, gir studiepoeng og fører fram til sertifisering som prosjektleiar. Målet er å sikre felles metodeforståing og høg kvalitet i alle prosjekta våre.
Vi tilbyr eit forskingsbasert leiarprogram for leiarar med personalansvar. Programmet består av:
- Leiaropplæring – I første periode som leiar vil du få innsikt i dei viktigaste aspekta ved personalleiing, gjennom webinar og kurs.
- Leiarutvikling – Gjennom fem fysiske samlingar jobbar du med individuell utvikling i leiarrolla. Tema som blir belyste er mellom anna psykologisk tryggleik, kommunikasjon, konflikthandtering og arbeidsrett.
- Leiargruppeutvikling – I leiargruppa jobbar de saman med kommunikasjon. samspel og strategisk retning.
Målet er å styrke leiarskap som bidrar til å løyse samfunnsoppdraget vårt.
I Forsvarsbygg er vi opptatte av å bygge ein arbeidsplass med ein sterk og berekraftig kultur – der verdiane våre ansvar, tillit, innsikt og integritet ligg i botn. Derfor satsar vi på medarbeidarutvikling som både styrker fellesskapet og gir rom for personleg vekst.
Gjennom fysiske samlingar og erfaringsutveksling med kollegaer frå ulike delar av organisasjonen, får du høve til å lære, utvikle deg og bidra aktivt i eit arbeidsmiljø der vi speler kvarandre gode. Vi trur på arbeidsglede, engasjement og samarbeid - og vi gir deg verktøya for å lykkast med nettopp det.