Senior porteføljeforvaltar
Stillingsinformasjon
Sted:
Oslo
Enhet:
Forsvarsbygg stab
Søknadsfrist:
15
november 2026
Forsvarsbygg stab har ansvar for å leggje til rette for heilskapleg strategisk styring i Forsvarsbygg, både innanfor verksemdsutvikling og eigedomsutvikling. Det inneber at staben har eit overordna ansvar for å vareta heilskap og samanheng mellom strategiar, planarbeid og styring.
Staben skal setje i verk oppdrag og føringar frå Forsvarsdepartementet i verksemdsstyringa av Forsvarsbygg. Staben skal sikre eksterne rammevilkår og gjennom planarbeid og analysar leggje til rette for faktabasert og heilskapleg planlegging og eigedomsfaglege råd.
Staben har eit særskilt ansvar for langsiktig planlegging og utvikling av eigedomsporteføljen i forsvarssektoren, slik at han er tilpassa behova og den langsiktige utviklinga til Forsvaret. Staben skal òg bidra til å halde oppe verdiane i eigedomsporteføljen, mellom anna bruksverdien, den økonomiske verdien (og avgrense vedlikehaldsetterslepet) og verneverdien.
Plan og analyse har ansvar for gjennomføringa av strategiske utgreiingsoppdrag frå Forsvarsdepartementet og Forsvaret, og for å planleggje ei heilskapleg og langsiktig utvikling av eigedomsporteføljen (forsvarssektoren si kontinuerlege langtidsplanlegging). Dette inneber òg å utarbeide planar, rammer og føringar for gjennomføringsplanlegginga i Forsvarsbygg på ein heilskapleg måte, for å sikre størst mogleg effekt av den samla ressursinnsatsen.
Vi søkjer no etter ein seniorrådgjevar til spennande og utfordrande arbeidsoppgåver. Stillinga vil inngå i teamet i Plan og analyse, med hovudfokus på strategisk og heilskapleg porteføljestyring på tvers av kjerneprosessane fremskaffing og forvalting.
Gjennom digitalisering styrkjer vi forsvarsevna for framtida. Hos oss får du påverke denne utviklinga innanfor ditt fagområde.
Les meir om Forsvarsbygg på www.forsvarsbygg.no/jobb
Arbeidsoppgaver
- Strategisk handsaming av nye oppdrag til Forsvarsbygg
- Gjennomføre oppdragsanalyse og tilbakemelding om oppdragsforståing til oppdragsgivar
- Vurdere oppdrag opp mot overordna mål, prioriteringar, rammevilkår og den samla porteføljen
- Identifisere sentrale avhengnader, usikkerheiter og nødvendige avklaringar
- Sjå alle tiltaksgrupper innanfor anskaffing, verdibevaring og avhending i samanheng
- Gje overordna føringar for prioriteringar og oppdragsløysing
- Staben skal bistå Forsvarsbygg si leiargruppe (FBL) med styring og utvikling av etaten
Stillinga skal, utover sine hovudansvarsområde bistå innanfor følgjande arbeidsoppgåver:
- Vere ein bidragsytar og pådrivar for effektive prosessar og kontinuerleg forbetring
- Prosessleiing
- Utgreiingsarbeid, sakshandsaming og oppdrag for FBL
- Strategiske samarbeidsrelasjonar med andre etatar og organisasjonar.
Kvalifikasjoner
Vi ser etter deg som evnar å tenkje heilskapleg, analytisk og strategisk, og som ser moglegheiter i datasett. Du må kunne ta initiativ, vere resultatorientert, ha god gjennomføringsevne og kunne arbeide sjølvstendig. Du vil samarbeide mykje med andre avdelingar i organisasjonen, og du må derfor ha gode samarbeidsevner og kunne kommunisere godt, både munnleg og skriftleg. Du bør òg ha god struktur, arbeide planmessig og ha orden i sakene.
Personlige egenskaper
- Utdanning på masternivå innan relevant fagområde.
- Solid erfaring med utvikling og forvaltning av komplekse eigedomsporteføljar.
- Erfaring med finansieringsordningar i offentleg sektor knytte til anskaffing og forvaltning. Dette er viktig kompetanse for å kunne sikre heilskapleg styring av porteføljen.
- Erfaring med prosessleiing.
- Det er ønskjeleg at du har kunnskap om forsvarssektoren.
- Du må kunne tryggleiksklarerast for nivå Hemmeleg/NATO Secret. For meir informasjon om tryggleiksklarering, besøk nettsidene til Nasjonal tryggingsmyndigheit på www.nsm.no
Vi tilbyr
I Forsvarsbygg får du ein spennande og variert arbeidskvardag med eit meiningsfylt samfunnsoppdrag, der du kvar dag er med på å byggje forsvarsevne. Vi satsar på medarbeidarane våre og tilbyr kurs, etter- og vidareutdanning. I tillegg har vi etablert vår eiga prosjektleiarutdanning. Vi har ein familievennleg og fleksibel personalpolitikk med gode arbeidstidsordningar. Du vil òg kunne få tilgang til treningsrom og bedriftsidrettslag med varierte aktivitetar. Som tilsett hos oss får du medlemskap i Statens pensjonskasse, som har ei av dei beste pensjonsordningane i landet, med moglegheit for bustadlån og gode forsikringsordningar.
Andre opplysningar
- Stillinga blir lønt som seniorrådgivar i stillingskode 1364 med årsløn frå kr 900 000 til kr 1 150 000. For særleg godt kvalifiserte kandidatar kan noko høgare løn vurderast.
- Vi ber om at du lastar opp vitnemål og karakterutskrifter saman med søknaden din.
- Vi ber ikkje om søknadsbrev. For oss er det meir relevant med ein utfyllande CV som viser kva erfaring og kompetanse du har. Du vil òg bli beden om å svare på eit spørsmål i søknadsskjemaet, der du kan utdjupe erfaring som er relevant for stillinga.
- Offentleg søkjarliste blir utarbeidd etter at søknadsfristen er gått ut. Dersom du ønskjer å reservere deg mot oppføring på offentleg søkjarliste, må dette grunngjevast. Du vil bli varsla dersom reservasjonen ikkje blir teken til følgje.