Bygg og anlegg til nye ubåtar

Skisse over et kaianlegg ved Haakonsvern.

Bygg og anlegg til nye ubåtar

Vi utviklar og bygger eigedom, bygg og anlegg til dei nye norske og tyske ubåtane. Anlegget skal stå klart i 2029. Da er den første av dei seks nye ubåtar venta å komme fram til kai.

Vi bygger for å ta imot norske og tyske ubåtar

Haakonsvern blir utvikla som base for ubåttenesta

Noreg og Tyskland har inngått eit strategisk samarbeid om anskaffing, utdanning og trening, og dessutan drift og vedlikehald av nye ubåtar. Ubåtane blir bygde på verftet Thyssenkrupp i Kiel, Tyskland.

Skværvika på Haakonsvern vil tene som base for den norske ubåttenesta. Her skal norske og tyske ubåtar haldast ved like. 

Kostnadsestimat

Planlagd satsing på eigedom, bygg og anlegg i samsvar med langtidsplanen til forsvarssektoren ut 2036: 4,2 milliardar kroner.

Område

  • Haakonsvern utanfor Bergen
  • Ramsund utanfor Harstad, Tjeldsund kommune 

Dette bygger vi

  • Vedlikehaldsanlegg
  • Kaianlegg
  • Tilpassing og oppgradering av eksisterande bygg

Tre delprosjekt

Anskaffinga av dei nye ubåtane er Sjøforsvarets største investering nokosinne. Vi skal bygge vedlikehaldsanlegg med tilhøyrande kaianlegg til undervassbåtane. I tillegg skal vi tilpasse og oppgradere eksisterande bygg både på Haakonsvern i vest og i Ramsund i nord. Oppdraget er delt inn i tre delprosjekt:

  1. Vedlikehaldsfasilitetar for nye ubåtar med tilhøyrande kaianlegg på Haakonsvern

    Vi bygger nå to vedlikehaldshallar med tilhøyrande verkstad og lagar, eit administrasjonsbygg med kontor og møterom, kaianlegg og utomhusanlegg.

    Kaianlegget inkluderer skipsheis og kaihus for klargjering av ubåtane før tokt.

    Utomhusanlegga omfattar transportsystem for ubåtane og nødvendig infrastruktur.

    Prosjektet blei godkjent i Stortinget 12. juni 2019.

  2. Andre tiltak på Haakonsvern

    Vi tilpassar og oppgraderer eksisterande bygningsmasse på Haakonsvern.

  3. Fasilitetar i Ramsund

    Det er planar om oppgradering av eigedom, bygg og anlegg i Ramsund. Prosjekta er førebels i tidleg fase.