Karljohansvern
Velkommen til Karljohansvern, eit levande kulturområde med ei rik historie. Her kan du vandre gjennom historiske omgivnader der Marinen bygget både samfunn og framtid. Karljohansvern var i si tid Noregs viktigaste marinebase, og eit sentrum for teknologisk utvikling innan skipsbygging, dampmaskinar, ubåtar og fly. I dag er området eit blomstrande kulturmiljø med museum, kunst, industri og rekreasjon, ope for alle og rikt på opplevingar.
Marinesamfunn og teknologisk banebrytar
Karljohansvern representerer eit unikt møte mellom militærhistorie, teknologisk nytenking og samfunnsutvikling. Som Marinens tidlegare hovudbase var staden eit kraftsenter for modernisering av det norske forsvaret, og eit knutepunkt for utdanning, skipsbygging og innovasjon.
I dag lever arven vidare gjennom høgteknologiske bedrifter, forskingsmiljø og utdanningsinstitusjonar i regionen. Samtidig er Karljohansvern ein kulturarena med open tilgang, naturskjønne omgivnader og levande industri.
.jpg?quality=70)
Museene på Karljohansvern
Forsvarsbygningane på Karljohansvern husar i dag fleire museum, vel verdt eit besøk. Marinemuseet med spennande samlingar tilknytt Marinens historie gjennom krig og fred. Preus museum med utstillingar innan fotografi og visuell kunst. Lokalhistorisk senter med utstillingar om dagleglivet i nær fortid. I tillegg er fleire marinefartøy opne for publikum, og eit besøkssenter som inspirerer til ein rein Oslofjord.
Arrangement på festningen
Festningens historie
Karljohansvern blei etablert i 1818 som hovudbase for Marinen, og var i over 150 år eit av Noregs viktigaste militærstrategiske og teknologiske senter. I ei tid da industrialiseringa skaut fart, blei verftet i Horten eit knutepunkt for skipsbygging og teknologisk utvikling. Her blei også Noregs første tekniske skole oppretta, og verftet utvikla seg raskt til å bli sjølve livsnerven i byen.
Gjennom 1800- og 1900-talet var Karljohansvern leiande innan utvikling av dampmaskinar, marinedrivne skip, ubåtar og seinare fly. Samtidig voks det fram eit heilt samfunn rundt basen, med bustader, skolar og eit aktivt miljø for både militært og sivilt personell. Området rommar framleis mange av dei opphavlege bygningane, og gir eit tydeleg bilde av korleis Marinen organiserte både arbeid og kvardagsliv.
Etter at hovudbasen for Marinen blei flytta, har Forsvaret framleis verksemd på Karljohansvern. Samtidig har området utvikla seg til ein mangfaldig arena for kultur, næring og rekreasjon. Den teknologiske arven blir i dag mellom anna vidareført gjennom lokale industribedrifter og utdanningsmiljø som har vakse fram i regionen.
Praktisk informasjon
-
Festningsområdet på Karljohansvern er ope heile døgnet.
Museum, serveringsstader, utstillingar og butikkar har eigne opningstider som varierer.
-
Det er gratis inngang til festningsområdet. Museum, konsertar, arrangement, festivalar og liknande har eigne billettar og prisar.
-
Karljohansvern er eit stort området som strekker seg over vel to kilometer. Kulturverftet med museum og kulturverkstader har hovudinngang ved Kommandørkaptein Klincks veg.
Åtferd på festningen
- Det er heilårs bandtvang for hundar på heile området.
- Avfall skal kastast i tilgjengelege søppelkassar.
- Det er forbod mot bruk av dronar på Møringa, øyene og Industriområdet
- Graving og søk med metalldetektorar er ikkje tillate.
- Ver ein god nabo i Gjestehavnen.
- Det er heilårs forbod mot grilling inkl eingongsgrilling og bålbrenning.
Festningane er historiske forsvarsanlegg og levande kulturarenaer som blir besøkte av fleire millionar menneske kvart år. Dei er viktige attraksjonar i lokalsamfunnet i Noreg, både som destinasjonar og besøksmål og ein stad for næringsverksemd. Festningane er også arenaer der historia møter samtida og det sivile samfunnet møter Forsvaret.
Oppgåva vår som eigedomsforvaltar er å legge til rette for ei utvikling som skaper yrande liv og held historia i hevd. Det gjer vi ved å halde festningane opne og tilgjengelege for besøkande, samtidig som vi leiger ut bygg og uteområde til verksemder som tilbyr opplevingar. Vi har ansvar for vedlikehald av bygningar og festningsmurar og skjøtsel av uteområde.
